Далянь знаходзіцца на паўднёвым ускрайку Ляадунскага паўвострава. З паўночнага захаду горад абмывае Бахайскае мора, а з паўднёвага ўсходу – Жоўтае. Далянь і Шаньдунскі паўвостраў, які ляжыць на поўдзень ад горада, падзелены Бахайскім морам. Спрадвеку Далянь носіць назву «брама ў Пекін і Цяньцзінь». На поўнач ад Даляня раскінуліся прасторы Маньчжурыі – кітайскага паўночнага ўсходу, таму Далянь яшчэ называюць «акном у паўночна-ўсходні Кітай». Далянь – важны партовы горад, буйны прамысловы, гандлёвы і турыстычны цэнтр Кітая. Даўжыня берагавой лініі – 1906 км, у прыватнасці, даўжыня берагавой лініі мацерыковай часткі Даляня – 1288 км, а астраўных тэрыторый – 618 км.