Вэнь Цзябаа сказаў, што цэнтральны ўрад выдзеліў на гэтыя патрэбы каля 3 трлн. Юаняў. Былі канчаткова адменены сельгаспадаткі – завяршыўся той перыяд гісторыі, калі сялянству даводзілася плаціць за апрацоўку зямлі. А гэта раўназначна зніжэнню яго штогадовай нагрузкі на 133,5 млрд. юаняў. Уведзены парадак выплаты датацый хлебаробам і механізм кампенсацыі інтарэсаў галоўных збожжавытворчых раёнаў, у выніку чаго вытворчыя датацыі сялянству ў мінулым годзе дасягнулі 122,6 млрд. юаняў. Для галоўных сартоў зерневых уведзена палітыка мінімальных закупачных цэн і часовага прыёму на захоўванне, мінімальныя закупачныя цэны на пшаніцу і рыс павышаны на 25-40%.
Паводле слоў Вэнь Цзябаа, у Кітаі цвёрдым крокам ішла наперад комплексная рэформа вёскі, разгорнута рэформа сістэмы калектыўнага права на лясы і сістэмы кіравання дзяржаўнымі гаспадаркамі. Паскорылася будаўніцтва інфраструктуры ў аграрным сектары і на вёсцы. Завершана ўмацаванне 7356 буйных, сярэдніх і малых аварыйна-небяспечных вадасховішчаў, вырашана праблема забеспячэння чыстай пітной вадой для 215 млн. сялян. Жыццё сялянства штодзень паляпшаецца, жыццё вёскі ўступіла ў новую эпоху. - 0 -
