Наведвальнікі тайбэйскага музея Гугун атрымалі магчымасць у перыяд з чэрвеня па верасень гэтага года любавацца знакамітай старажытнакітайскай карцінай «Жытло ў гарах Фучунь», складзенай з двух частак, раз'яднаных 360 гадоў таму.

«Жытло ў гарах Фучунь» - адзін з шэдэўраў кітайскага пейзажнага жывапісу, створаных вядомым мастаком дынастыі Юань (1206 - 1368 гг.) Хуан Гунванам у 1350 годзе. У 1650-ым, у сувязі са спробай спаліць гэты знакаміты скрутак, ён быў падзелены на дзве часткі: правая, даўжынёй 51,4 см, у 1956 годзе ўвайшла ў калекцыю музея правінцыі Чжэцзян, а левая, даўжынёй 636,9 см, стала экспанатам тайбэйскага музея Гугун.

Выстава гэтай карціны адкрылася 1 чэрвеня і працягнецца да 5 верасня. З-за вялікай адлегласці паміж берагамі Тайванскага праліва гэты шэдэўр кітайскага жывапісу раней ніколі не выстаўляўся для публічнага агляду ў цэласным выглядзе. - 0 -