13 лістапада афіцыйны прадстаўнік МЗС КНР Хун Лэй на чарговай прэс-канферэнцыі заявіў, што правыя сілы Японіі падтрымліваюць сепаратысцкую дзейнасць Далай-ламы. Гэта расцэньваецца, як умяшальніцтва ва ўнутраныя справы Кітая, і выклікае рэзкае асуджэнне.
Паводле паведамленняў СМІ, 13 лістапада Далай-лама выступіў у Японіі з прамовай перад 140 парламентарыямі краіны, якія абвясцілі аб стварэнні так званага «Міжпарламенцкага саюза Японіі ў падтрымку Тыбету». У сувязі з гэтым, Хун Лэй заявіў, што японскі ўрад садзейнічае сепаратысцкай дзейнасці Далай-ламы, якая ідзе насуперак прынцыпам і духу кітайска-японскіх стратэгічных узаемаадносін. Кітайскі бок выказвае ў сувязі з гэтым японскаму боку свой пратэст.
Хун Лэй адзначыў, што Тыбет з'яўляецца неад'емнай часткай тэрыторыі Кітая. Далай-лама - гэта палітычны выгнаннік, які доўгі час займаўся антыкітайскай раскольніцкай дзейнасцю пад прыкрыццём рэлігіі. Кітай рашуча выступае супраць прадастаўлення Далай-ламе якімі б там ні было краінамі трыбуны для ажыццяўлення яго сепаратысцкай дзейнасці. -0 -