Новы старшыня КНР Сі Цзіньпін сёння на заключным пасяджэнні 1-й сесіі УСНП 12-га склікання паабяцаў самааддана выконваць свае абавязкі, замацаваныя ў Канстытуцыі. Паводле яго слоў, гэты пост ускладае на яго "слаўную місію" і "сур'ёзную адказнасць". Сі Цзіньпін выказаў сардэчную падзяку дэпутатам за давер.

"Я буду заўсёды верны нашай Радзіме і народу, буду аддаваць увесь свой час і ўсю энергію сваім абавязкам і адказнасці ў імя служэння народу", - сказаў Сі Цзіньпін. Ён дадаў, што будзе працаваць на карысць сваёй краіны, прыкладаючы ўсе магчымыя намаганні, будзе па ўласнай ініцыятыве ставіць сябе пад кантроль народа.

"Я мушу апраўдаць давер і чаканні дэпутатаў УСНП і народаў усіх нацыянальнасцяў", - паабяцаў Сі Цзіньпін.

Сі Цзіньпін абраны старшынёй КНР у чацвер прыблізна 3000 дэпутатаў УСНП. - Р -