Старшыня КНР Сі Цзіньпін выказаў у суботу спадзяванне на тое, што Кітай і Расія будуць прыкладаць намаганні да актывізацыі і пашырэння двухбаковых адносін паміж узброенымі сіламі дзвюх краін.
З'яўляючыся кіраўніком Цэнтральнага ваеннага савета КНР, старшыня КНР выступіў з падобнай заявай падчас свайго візіту ў Міністэрства абароны РФ. Сі Цзіньпін - першы кіраўнік дзяржавы КНР, які наведаў расійскае ваеннае ведамства.
У гонар кітайскага лідара міністрам абароны РФ генералам Сяргеем Шайгу была наладжана ўрачыстая цырымонія прывітання. Сі Цзіньпін абышоў строй ганаровай варты трох відаў узброеных сіл Расіі.
Падчас сустрэчы з міністрам абароны і іншымі высокапастаўленымі прадстаўнікамі генералітэту РФ, якая адбылася пасля цырымоніі прывітання, старшыня КНР паведаміў пра тое, што вельмі рады пабываць у Міністэрстве абароны Расіі. Наведаць ваеннае ведамства кітайскаму лідару было прапанавана прэзідэнтам краіны У. Пуціным. "Я лічу, што правядзенне гэтага мерапрыемства спрыяе паглыбленню стратэгічнага і палітычнага ўзаемнага даверу паміж нашымі дзяржавамі, збліжае міжармейскія адносіны і спрыяе ўзмацненню ўзаемадзеяння паміж узброенымі сіламі дзвюх краін," - заявіў Сі Цзіньпін.
Старшыня КНР таксама паведаміў пра тое, што ў рамках адносін партнёрства і стратэгічнага ўзаемадзеяння міжармейскім кантактам надаецца асаблівая роля. Кітайска-расійскія міжармейкія адносіны - важная апора стратэгічнага ўзаемадзеяння. Па словах кітайскага лідара, у апошнія гады працэс ўзаемадзеяння і супрацоўніцтва ўзброеных сіл дзвюх краін характарызуецца наяўнасцю тэндэнцыі пастаяннага ўзмацнення. У прыватнасці, належным чынам падтрымліваюцца кантакты ў такіх напрамках, як абмен візітамі на вышэйшым узроўні, падрыхтоўка кадраў, правядзенне сумесных ваенных вучэнняў, узаемадзеянне ў галіне ваенных тэхналогій.
"У сучасным свеце ў якасці асноўных тэндэнцый выступаюць такія напрамкі дзейнасці, як падтрыманне міру, забеспячэнне працэсу развіцця і ажыццяўленне супрацоўніцтва. Тым не менш, у сапраўдны момант назіраюцца істотныя структурныя змены міжнароднай абстаноўкі. У свеце па-ранейшаму існуюць і пераплятаюцца такія фактары, як няроўнасць, дысбаланс, нестабільнасць, розныя віды пагроз традыцыйнага і нетрадыцыйнага характару. У шэрагу раёнаў планеты назіраецца пастаяннае пашырэнне маштабаў узрушэнняў", - дадаў Сі Цзіньпін.
"Ва ўмовах складанай міжнароднай абстаноўкі Кітай і Расія павінны актывізаваць свае намаганні з тым, каб шляхам узгодненага ўзаемадзеяння сумесна з сусветнай супольнасцю пераадолець разнастайныя пагрозы і цяжкасці", - падкрэсліў старшыня КНР, таксама выказаўшы спадзяванне, што ўзброеныя сілы дзвюх краін на справе рэалізуюць прынцыпы дасягнутага іх кіраўнікамі адзінства меркаванняў, належным чынам падрыхтаваўшы праграму абмену і супрацоўніцтва ў галіне ўзброеных сіл і нацыянальнай абароны, спрыяючы паглыбленню і пашырэнню працэсу развіцця міжармейскіх адносін.
Сяргей Шайгу выказаў свае гарачыя прывітанні ў сувязі з наведваннем Сі Цзіньпінам Міністэрства абароны РФ. Міністр заявіў, што Сі Цзіньпін - першы замежны палітычны лідар, які наведаў Цэнтр аператыўнага кіравання ўзброенымі сіламі Расіі, дадаўшы, што гэта сведчыць аб высокім узроўні і выдатным характары адносін партнёрства і стратэгічнага ўзаемадзеяння. У цяперашні час міжнародная абстаноўка не выклікае асаблівага пачуцця аптымізму. Набіраюць сілу экстрэмізм і тэрарызм, якія ўяўляюць сабой пагрозу міру і стабільнасці як у рэгіёне, так і на планеце ў цэлым. Расійскі палітык падкрэсліў, што, выступаючы ў якасці дружалюбных суседзяў і партнёраў стратэгічнага ўзаемадзеяння, Расія і Кітай павінны ўмацоўваць сувязі паміж узброенымі сіламі дзвюх краін, падтрымліваючы адносіны супрацоўніцтва, абараняючы агульную бяспеку і падтрымліваючы міжнародны стратэгічны баланс.
Пасля завяршэння сустрэчы ў суправаджэнні С. Шайгу Сі Цзіньпін наведаў Цэнтр аператыўнага кіравання ўзброенымі сіламі Расіі. Старшыня КНР заявіў аб тым, што гэты візіт дазволіў яму азнаёміцца з вынікамі развіцця нацыянальнай абароны і ўзброеных сіл Расіі. У нядзелю міністры абароны Кітая і Расіі прымуць удзел у перамовах, прысвечаных абмеркаванню пытанняў нацыянальнай абароны. Кітайскі лідар выказаў спадзяванне на далейшае ўмацаванне ўзаемадзеяння паміж узброенымі сіламі дзвюх краін, што надасць працэсу развіцця кітайска-расійскіх адносін партнёрства і стратэгічнага ўзаемадзеяння новую дынаміку. - 0 -
