Развіццё і ўзмацненне ВМС НВАК зусім не азначае змены ў кітайскай абарончай стратэгіі ў прыбярэжных акваторыях, заявіў камандзір атрада караблёў Паўднёва-Кітайскага флоту ВМС НВАК, камандуючы Паўднёва-Кітайскім флотам Цзян Вэйле.

Арганізацыя вучэнняў у адкрытым моры – агульнапрынятая практыка ваенна-марскіх сіл розных краін свету, падкрэсліў Цзян Вэйле, дадаўшы, што Кітай – буйная краіна, якая перажывае мірны ўздым. Стратэгія ў дачыненні да яе ваенна-марскіх сіл абавязкова падпарадкуецца і паслужыць дзяржаўнай стратэгіі.

Паводле яго слоў, дзякуючы апошнім вучэнням праведзена трэніроўка каманднага складу і воінскіх частак, задзейнічаных у вучэннях. Цзян Вэйле паведаміў, што ў будучыні будзе ажыццёўлены шэраг сур'ёзных мер для рэальнага павышэння баяздольнасці ваенных караблёў ва ўмовах інфарматызацыі, у тым ліку, будуць на пастаяннай аснове праводзіцца вучэнні ў форме супрацьстаяння бакоў, далейшая праверка новых метадаў вядзення вайны ў складанай сітуацыі і інш.

Нагадаем, атрад караблёў Паўднёва-Кітайскага флоту ВМС НВАК у складзе дэсантнага карабля-дока "Цзінганшань", ракетнага эсмінца "Ланьчжоу", ракетных фрэгатаў "Юйлінь" і "Хэншуй" 19 сакавіка днём выйшаў у мора з ваеннага порта, размешчанага паблізу горада Санья правінцыі Хайнань (Паўднёвы Кітай), для вядзення баявога патруля і трэніровак у Паўднёва-Кітайскім моры і заходняй частцы Ціхага акіяна. - Р -