У Кітаі пацверджаны ў агульнай складанасці 102 выпадкі заражэння чалавека вірусам птушынага грыпу H7N9, у тым ліку 20 смяротных зыходаў. 12 чалавек ачунялі і выпісаны з бальніц. Пра гэта паведамілі ў Дзяржкамітэце па справах аховы здароўя і планавым дзетанараджэнні.

На гэты час у Пекіне зафіксаваны 1 выпадак заражэння вірусам H7N9, у Шанхаі – 33 выпадкі, у правінцыі Цзянсу – 24, у правінцыі Чжэцзян – 38, у правінцыі Аньхой – 3, у правінцыі Хэнань – 3. Ад віруса ў Шанхаі памерлі 11 чалавек, у Цзянсу – 3, у правінцыі Аньхой – 1, у правінцыі Чжэцзян – 5.

Выпадкаў перадачы гэтага віруса ад чалавека чалавеку пакуль не адзначана. - Р -