У Кітаі пацверджаны ў агульнай складанасці 108 выпадкаў заражэння чалавека вірусам птушынага грыпу H7N9, у тым ліку 22 смяротныя зыходы. 14 чалавек ачунялі і выпісаны з бальніц. У правінцыі Шаньдун зафіксаваны першы выпадак заражэння чалавека гэтым вірусам. Пра гэта паведамілі ў Дзяржкамітэце па справах аховы здароўя і планавага дзетанараджэння КНР.

З 16:00 панядзелка па 16:00 аўторка ў краіне зафіксаваны 4 новыя выпадкі заражэння чалавека вірусам птушынага грыпу H7N9, у тым ліку два – у правінцыі Чжэцзян, адзін – у правінцыі Аньхой, адзін – у правінцыі Шаньдун.

На гэты час у Пекіне зафіксаваны 1 выпадак заражэння вірусам H7N9. - Р -