ПК Палітбюро ЦК КПК заклікаў да нацыянальнага адзінства і адвагі ў барацьбе з наступствамі землетрасення, якое скалынула паўднёва-заходнюю правінцыю Сычуань.

ПК Палітбюро ЦК КПК было праведзена пасяджэнне па ліквідацыі наступстваў землетрасення, якое адбылося ў мінулую суботу раніцай у павеце Лушань у горадзе Яань правінцыі Сычуань. У выніку 193 чалавекі загінулі, яшчэ 25 лічацца прапаўшымі без вестак.

"Бедствы заўсёды робяць нацыю мацней. Чым складаней сітуацыя, тым больш мы маем патрэбу ва ўзмацненні сілы і адвагі нацыі, каб пераадолець цяжкасці і небяспеку", - адзначаецца ў заяве, распаўсюджанай па выніках сустрэчы.

"Пакуль мы адзіныя, мы будзем у стане справіцца з любымі складанымі сітуацыямі і пераадольваць усе патэнцыйныя цяжкасці", - адзначаецца ў заяве.

Пра гераічныя і годныя павагі паводзіны падчас правядзення работ па ліквідацыі наступстваў землетрасення патрэбна гаварыць гучна, каб "уліць" новую пазітыўную энергію ў дух і сілу кітайскага народа.

На пасяджэнні кіраўнікі заклікалі ўсіх членаў партыі і ўсе народнасці больш цесна згуртавацца вакол ЦК КПК і прыкласці нястомныя намаганні для таго, каб ажыццявіць вялікае адраджэнне кітайскай нацыі.