Грамадская жалоба па ахвярах сямібальнага землетрасення, якое адбылося роўна тыдзень таму ў павеце Лушань правінцыі Сычуань (Паўднёва-Заходні Кітай), была праведзена сёння па ўсёй правінцыі.

Жалоба пачалася ў 08:02 - у момант, калі адбылося разбуральнае землетрасенне 20 красавіка. Падчас жалобы жыхары правінцыі ўшанавалі памяць загінуўшых пры землетрасенні троххвілінным маўчаннем, адначасова прагучалі працяглыя гудкі аўтамабіляў, цягнікоў і караблёў і сігнал паветранай трывогі.

Паводле афіцыйных дадзеных, у выніку землетрасення загінулі каля 200 чалавек і было пашкоджана прыкладна 126 тыс. дамоў.