Як паведамілі ў аўторак мясцовыя СМІ, у выніку мусонных ліўняў, якія ідуць на поўначы Індыі апошнія некалькі дзён, загінулі 58 чалавек. Ад удару стыхіі ў агульнай колькасці пацярпелі дзясяткі тысяч чалавек.

Прадстаўнік індыйскага ведамства па барацьбе са стыхійнымі бедствамі сказаў СМІ, што ў штаце Утаракханд ахвярамі інцыдэнтаў, выкліканых моцнымі дажджамі, сталі не менш за 35 чалавек.

Акрамя гэтага, у некаторых раёнах з-за сходу селевых патокаў былі разбураны аўтадарогі. Каля ста чалавек былі эвакуіраваны адтуль верталётамі, накіраванымі арміяй і мясцовай адміністрацыяй. Да цяперашняга часу ад ліўняў у агульнай колькасці пацярпелі каля 60 тысяч чалавек.

Стыхія таксама нанесла ўдар па дзесятках вёсак у штаце Хар'яна, размешчаных недалёка ад Нью-Дэлі.

Як паведаміла мясцовая метэаралагічная служба, на поўначы краіны і ў Нью-Дэлі на гэтым тыдні будуць па-ранейшаму ісці моцныя дажджы. - 0 -