Сёння ў Пекіне прайшлі перамовы прэм'ера Дзяржсавета КНР Лі Кэцяна з прэм'ерам-міністрам Індыі Манмаханам Сінгхам, які прыбыў у Пекін з трохдзённым візітам па запрашэнні Лі Кэцяна.

Візіт М.Сінгха – новы важны кантакт на высокім узроўні паміж Кітаем і Індыяй, а таксама першы з 1954 года абмен візітамі кіраўнікоў урадаў дзвюх краін на працягу года.

Кіраўнікі ўрадаў дзвюх краін правялі перамовы ў вузкім і шырокім колах, прынялі ўдзел у цырымоніі падпісання пагадненняў аб супрацоўніцтве, а таксама сустрэліся з журналістамі і прадстаўнікамі прадпрымальніцкіх колаў дзвюх краін.

Сёння пазней запланаваны сустрэчы М.Сінгха са старшынёй КНР Сі Цзіньпінам і старшынёй ПК УСНП Чжан Дэцзянам.

Плануецца, што М.Сінгх падчас знаходжання ў Пекіне наведае ў суправаджэнні Лі Кэцяна былы імператарскі палац Гугун і выступіць з прамовай у партыйнай школе ЦК КПК. - Р -