Нацыянальны камітэт Філіпін па скарачэнні наступстваў ад стыхійных бедстваў паведаміў, што ўчора да 19:00 у выніку тайфуну "Хаянь" на тэрыторыі гэтай краіны загінулі, па меншай меры, 229 чалавек, 45 – паранены, 28 чалавек прапалі без вестак. Пры гэтым, па ацэнцы асобных чыноўнікаў краіны, стыхія забрала жыцці звыш 10 тыс. чалавек. Аднак вышэйназваны камітэт гэту лічбу не пацвердзіў.

Паводле апублікаваных апошніх даных, з-за тайфуну "Хаянь" бедствам ахоплена 41 правінцыя, колькасць пацярпелых склала амаль 9,5 млн. чалавек, 74 тыс. сем'яў (342 тыс. чалавек) былі вымушаны эвакуіравацца. - Р -