Канцлер Германіі Ангела Меркель сёння ўпершыню пасля перавыбрання выступіла ў Бундэстагу з урадавым пасланнем, у якім пазначыла напрамкі палітыкі новага ўрада ў вырашэнні даўгавага крызісу ў еўразоне, у галіне еўрапейскай бяспекі і па іншых пытаннях.

А.Меркель падкрэсліла, што Германія і Еўропа – непарыўныя, інтэграцыя Еўропы па-ранейшаму застаецца самай галоўнай задачай кааліцыйнага ўрада.

Даўгавы крызіс у еўразоне яшчэ не пераадолены, аднак у вырашэнні крызісу дасягнуты першапачатковы прагрэс. ЕС неабходна падпісаць з кожнай дзяржавай-членам супольнасці пагадненне, якое мае абавязковую сілу, каб садзейнічаць правядзенню структурных рэформ у краінах, каб пазбегнуць паўтарэння адных і тых жа памылак, падкрэсліла А.Меркель.

Канцлер заклікала да паглыблення эканамічнай інтэграцыі, а таксама падкрэсліла важнасць стварэння банкаўскага і фінансавага саюза. - Р -