Санкцыі ў дачыненні да Ірана аб унясенні новых іранскіх кампаній у "чорны спіс" не прывядуць да ўрэгулявання іранскай праблемы, заявіў прэзідэнт Расіі Уладзімір Пуцін падчас вялікай прэс-канферэнцыі. "Перакананы, што гэта з'яўляецца контрпрадуктыўным рашэннем", – выказаў свой пункт гледжання У.Пуцін.

Кіраўнік РФ выказаў спадзяванне, што санкцыі ЗША не стануць перашкодай для далейшых дзеянняў па вырашэнні іранскага пытання. Іран "мае права развіваць свае высокія тэхналогіі – у тым ліку ў ядзернай галіне – мірнага характару, і міжнародная супольнасць не мае права патрабаваць ад яго нейкіх абмежаванняў дыскрымінацыйнага характару".

У.Пуцін таксама нагадаў, што ён мае запрашэнне ад кіраўніка Ірана, і заявіў, што з задавальненнем прыме гэта запрашэнне. - Р -