З Сочы ў Мінск алімпійцаў даставяць на самалёце прэзідэнта Беларусі. Такое даручэнне даў кіраўнік дзяржавы, паведамілі ў прэс-службе прэзідэнта.
Зімовыя Гульні яшчэ працягваюцца, але краіна ўжо рыхтуецца да вяртання сваіх герояў – пераможцаў і прызёраў сочынскай Алімпіяды. Ушанаванне алімпійцаў на ўзроўні прэзідэнта пройдзе ў Палацы Незалежнасці, тут таксама адбудзецца ўручэнне ім дзяржаўных узнагарод. А.Лукашэнка таксама даў даручэнне падрыхтаваць беларускую сталіцу да сустрэчы алімпійцаў.
Для суверэннай Беларусі гэта Алімпіяда стала самай паспяховай. У скарбонцы беларускай зборнай 6 медалёў – 5 залатых і адна бронзавая. - Р -