Член Палітбюро ЦК КПК , віцэ-мэр Пекіна Лі Шысян на адкрытым пасяджэнні пекінскай дэлегацыі ў рамках другой сесіі УСНП 12- га склікання заявіў , што вопыт Пекіна ў арганізацыі летніх Алімпійскіх гульняў 2008 года, а таксама прынятыя меры на наступныя некалькі гадоў па вырашэнні праблем навакольнага асяроддзя ўсяляюць упэўненасць у заяўку Кітая на правядзенне зімовых Алімпійскіх гульняў 2022 года.
Гэту заяву Лі Шысян зрабіў у адказ на пытанне журналіста пра тое, якім чынам вырашыць пытанне навакольнага асяроддзя, якое з'яўляецца "слабым звяном " у барацьбе за права прыняць зімовую Алімпіяду.
Лі Шысян адзначыў , што для вырашэння праблем клімату і навакольнага асяроддзя Пекін плануе рэалізаваць чатыры асноўных праекта. Першы: у 2017 годзе аб'ём спажывання вугалю з цяперашніх 23 млн. тон будзе зніжаны да 1 млн. тон. Другі: будзе праведзена адпаведная праца па кантролі за скарачэннем выкідаў шкодных рэчываў на прамысловых прадпрыемствах. Трэці: абмежаванне колькасці маторных транспартных сродкаў. У сапраўдны момант колькасць гэтага віду транспарту ў Пекіне складае 5,4 млн. адзінак. Пачынаючы з гэтага года ў Пекіне штогод колькасць транспартных сродкаў будзе скарачацца на 150 тыс. адзінак, разам з гэтым будзе праводзіцца работа па распаўсюджванні аўтамабіляў, якія выкарыстоўваюць новыя віды энергіі. Чацвёрты: кантроль за зніжэннем узроўню забруджвання навакольнага асяроддзя пылам пры правядзенні будаўнічых работ у Пекіне. - 0 -