Міністр камерцыі КНР Гаа Хучэн прасякнуты ўпэўненасцю, што ў бягучым годзе Кітай дасягне 7,5-працэнтнага росту знешняга гандлю. Свой аптымізм ён тлумачыць паляпшэннем стану сусветнай эканомікі і павышэннем канкурэнтаздольнасці айчынных прадпрыемстваў.
"Міжнародны попыт будзе расці павольна, таму што сусветная эканоміка, асабліва эканоміка развітых краін , яшчэ аднаўляецца", - адзначыў сёння міністр на прэс - канферэнцыі ў рамках 2-й сесіі УСНП 12- га склікання.
Хоць эканомікі з пачатковым рынкам запавольваюцца, але іх асноў дастаткова для пераадолення існуючых цяжкасцяў , адзначыў ён.
Паводле яго звестак, пасля глабальнага фінансавага крызісу айчынныя знешнегандлёвыя прадпрыемствы зрабілі ўдалыя змены ў сваёй працы, і гэтыя пераўтварэнні павысілі іх канкурэнтаздольнасць.
"Комплексны аналіз міжнароднага рынку дае нам поўную ўпэўненасць у дасяжнасці вызначанага 7,5- працэнтнага росту знешняга гандлю ў 2014 годзе" , - заявіў Гаа Хучэн.
Паводле дадзеных кітайскай мытні, агульны аб'ём знешняга гандлю КНР у 2013 г. упершыню перасягнуў мяжу ў 4 трлн. дол. ЗША і дасягнуў 4,16 трлн. дол. , павялічыўшыся на 7,6 прац. у параўнанні з узроўнем папярэдняга года.