У мітынгу і дэманстрацыі прынялі ўдзел каля 5 тыс. грамадзян са сталічнай прэфектуры Токіа-то і суседніх прэфектур і гарадоў, звыш 100 арганізацый грамадзян, а таксама многія члены парламента ад апазіцыйных партый. Арганізатары мітынгу ў пісьмовым звароце паведамілі, што ўрад Сіндза Абэ спрабуе за кошт унясення паправак ва ўрадавыя тлумачэнні канстытуцыі адмяніць забарону на права калектыўнай самаабароны, што з'яўляецца парушэннем пацыфісцкага духу 9 артыкула Канстытуцыі. У закліку таксама адзначаецца, што кабінет Сіндза Абэ пад падставе пагаршэння адносін з РК, Кітаем і іншымі суседнімі краінамі імкнецца ўмацоўваць ваенны саюз Японіі і ЗША; зняцце забароны на калектыўную самаабарону будзе азначаць, што Японія зможа ўдзельнічаць у войнах за мяжой або нават пачынаць войны.
Лаўрэат Нобелеўскай прэміі па літаратуры Кэндзабура Оэ забіў трывогу з нагоды будучага Японіі пад кіраўніцтвам Сіндза Абэ. Ён паведаміў, што пацыфізм 9-га артыкула Канстытуцыі з'яўляецца ўвасабленнем японскага духу ў паслеваенную эпоху, усе дзеянні рэжыму Сіндза Абэ зараз падрываюць дух гэтай эпохі. Кэндзабура Оэ заклікаў народ дзеяннямі выказваць пратэст і супраціўленне курсу Сіндза Абэ. - Р -
