Урачыстасць прыгажосці ў пустыні? Гэта казка становіцца рэальнасцю на курорце Сяншавань, што ва Унутранай Манголіі на поўначы Кітая. Тут у чэрвені бягучага года правядуць міжнародны конкурс прыгажосці сярод манголак. Аб гэтым карэспандэнту агенцтва «Сіньхуа» паведамілі ў мясцовым упраўленні турызму.
Арганізатары чакаюць канкурсантак з Кітая, Манголіі і Расіі. Рэгістрацыя бясплатная. Тыя ўдзельніцы, якія выйдуць у паўфінал, змогуць падрыхтавацца да фіналу са спецыялістамі. Заключны этап спаборніцтва супадае па часе з пятым міжнародным фотафестывалем, які праводзіць курорт, таму на свяце маладосці і прыгажосці будуць працаваць вядомыя кітайскія і замежныя фотамастакі.
Апрача звычайнага для любога конкурсу прыгажосці выхаду ў свабоднай вопратцы, вячэрніх сукенках і купальніках, канкурсанткі таксама пакажуць сябе ў мангольскіх нацыянальных строях.
Арганізатарам мерапрыемства выступае курорт Сяншавань, які знаходзіцца ў самым сэрцы пустыні. - Р -