Намеснік спікера палаты лордаў Вялікабрытаніі Майкл Бэйтс днямі ў інтэрв'ю карэспандэнту агенцтва "Сіньхуа" заявіў, што культурныя абмены паміж дзвюма краінамі развіваюцца паспяхова.

М.Бэйтс адзначыў, што абедзве краіны дасягнулі вялікіх поспехаў у культурным абмене, супрацоўніцтва паміж ВНУ дзвюх краін умацоўваецца, у музеях Вялікабрытаніі часта ладзяцца мерапрыемствы па кітайскай тэме, якія сталі мостам для культурнага абмену.

Ён лічыць, што падчас культурнага абмену для дасягнення ўзаемадаверу патрабуецца не толькі час, але і павышэнне разумення культуры іншага боку. Важна, каб пры наяўнасці культурных адрозненняў бакі паважалі адзін аднаго, а не навязвалі свой пункт гледжання.

"Лепшы метад вядзення культурнага абмену – адукацыйныя кантакты. Зараз у Вялікабрытаніі навучаюцца больш за 100 тыс. кітайскіх студэнтаў. Яны змогуць бліжэй пазнаёміцца з Вялікабрытаніяй і знайсці тут сяброў", – сказаў М.Бэйтс. - Р -