КПК павінна пазбягаць самаўпэўненасці і ўсведамляць сваю слабасць, нягледзячы на рост адабрэння народа, заявіў старшыня КНР Сі Цзіньпін.

"На працягу 93 гадоў наша партыя аб'ядноўвала людзей усіх этнічных груп, каб дасягнуць вялікага поспеху ў рэвалюцыі, развіцці і рэформах і змяніць лёс кітайскай нацыі", – сказаў сёння Сі Цзіньпін на пасяджэнні па паляпшэнні стылю работы і павышэнні маральнасці членаў КПК.

Сі Цзіньпін заклікаў да "цвярозасці" ў ацэнцы становішча КПК. "Мы павінны настойваць на строгім кіраўніцтве партыяй і сапраўды добра кіраваць ёю", – адзначыў старшыня КНР.

Сі Цзіньпін таксама перадаў віншаванні ўсім членам КПК і грамадзянам з нагоды 93-годдзя КПК, якое прыпадае на 1 ліпеня. - Р -