У кітайскай сталіцы прайшоў 1-ы Кітайска-амерыканскі семінар па спорце - адно з мерапрыемстваў, што праходзяць у рамках 5-га раўнда Кітайска-амерыканскіх кансультацый па гуманітарных абменах на высокім узроўні. Спецыялісты па пытаннях спорту з Кітая і ЗША прынялі ўдзел у дыскусіі па асноўнай тэме семінара, якая была сфармулявана як "Спартыўны рух і выхаванне інавацыйных здольнасцяў моладзі".

Як падкрэсліў намеснік кіраўніка Галоўнага дзяржаўнага ўпраўлення па справах фізічнай культуры і спорту КНР, намеснік прэзідэнта Алімпійскага камітэта КНР Ян Шуань, "асноўныя тэмы семінара - спорт і моладзь. Спорт -- сувязное звяно ў сяброўстве паміж народамі КНР і ЗША, а моладзь - надзея на працяг дружбы. Я шчыра спадзяюся, што спецыялісты і навукоўцы краін у рамках узаемадзеяння і абменаў па пытаннях спорту і моладзі змогуць і далей паглыбляць гэтае сяброўства, сумесна карыстацца вынікамі даследаванняў ".

Ян Шуань таксама адзначыў, што 43 гады таму "пінг-понгавая" дыпламатыя дазволіла адкрыць дзверы для адносін паміж Кітаем і ЗША, і, пасля гэтага, спорт, які мостам злучыў народы КНР і ЗША, стаў адыгрываць выключную ролю ў двухбаковых адносінах. Праз больш чым 40 гадоў спорт дазволіў скараціць дыстанцыю паміж народамі дзвюх краін. Асабліва варта адзначыць створаны амаль 5 гадоў таму механізм Кітайска-амерыканскіх кансультацый па гуманітарных абменах на высокім узроўні, у рамках якога бакі разгарнулі эфектыўныя абмены і супрацоўніцтва. Пастаянна пачашчаюцца кантакты паміж Алімпійскімі камітэтамі, рознымі спартыўнымі асацыяцыямі і грамадскімі спартыўнымі арганізацыямі Кітая і ЗША, бакі падтрымліваюць добрыя адносіны супрацоўніцтва ў такіх сферах, як прафесійны і масавы спорт, актыўна садзейнічаюць двухбаковым гуманітарных абменам.

У сваю чаргу, намеснік Канцылярыі па грамадзянскіх абменах пры Дзяржаўным дэпартаменце ЗША Шэйла Кэйсі адзначыла, што "калі вы гуляеце ў баскетбол ці бейсбол, то гэта ў значнай ступені паменшыць магчымасць сутыкнуцца з наркотыкамі ці вулічным гвалтам. Спорт не мае дачынення да палітыкі, не ведае моўных бар'ераў і дзяржаўных межаў, для пачатку абмену неабходна толькі удзел у гульні ".

1-ы Кітайска-амерыканскі семінар па спорце быў арганізаваны сумесна Галоўным дзяржаўным упраўленнем па справах фізічнай культуры і спорту КНР і Аб'яднаным аддзелам па справах спорту пры Дзярждэпартамэнце ЗША. - 0 –