У выніку няўдалай экстранай пасадкі самалёта тайваньскай авіякампаніі "ТрансАзія Эйрвэйз" 23 ліпеня на архіпелагу Пэнху загінулі 47 чалавек, паведамілі ў транспартным ведамстве Тайваня. 11 пасажыраў атрымалі траўмы.
На борце турбавінтавога самалёта АТR-72 знаходзілася 54 чалавекі і чатыры члена экіпажа. Самалёт выконваў рэйс з паўднёватайваньскага горада Гаасюн на астравы Пэнху на захадзе Тайваня.
Рэйс GE 222 павінен быў узляцець у 16:00, аднак з-за дрэннага надвор'я ён быў адкладзены і вылецеў з Гаасюн у 17:43.
Пілоты папрасілі аб другой спробе прызямлення ў аэрапорце горада Манун, пасля чаго самалёт страціў сувязь з дыспетчарамі, паведаміў генеральны дырэктар Адміністрацыі грамадзянскай авіяцыі Шэнь Ці на прэс-канферэнцыі.
Інцыдэнт адбыўся пасля таго, як тайфун "Матмо" абрынуўся на астравы моцнымі ліўнямі і ветрам, стаўшы прычынай закрыцця фінансавых рынкаў і школ. -