У пятніцу 200 беларускіх дзяцей з раёнаў, пацярпелых ад аварыі ў Чарнобылі, адправіліся на аздараўленне ў Кітай. Пра гэта паведаміў намеснік міністра адукацыі Беларусі Віктар Якжык, які разам з надзвычайным і паўнамоцным паслом Кітая ў Беларусі Цуй Цімінам праводзіў дзяцей у Нацыянальным аэрапорце.

Такое падарожжа стала магчымым дзякуючы пашырэнню сфер супрацоўніцтва паміж Беларуссю і Кітаем - эканамічныя сувязі пераходзяць ў гуманітарныя і сацыя-культурныя.

"Усе выдаткі ўзяў на сябе кітайскі бок. Шанс пабываць у Кітаі далі самым таленавітым - пераможцам інтэлектуальных і творчых конкурсаў, выдатнікам вучобы", - сказаў Цуй Цімін.

Між тым, у Міністэрстве адукацыі Беларусі выказалі спадзяванне, што такія паездкі стануць штогадовай традыцыяй. --0--