Як паведамляюць украінскія СМІ, прэзідэнт Украіны Пётр Парашэнка, выступаючы ў Ньюпорт / Уэльс, Вялікабрытанія / на палях саміту НАТА, не выключыў магчымасці таго, што ўдзельнікі пасяджэння трохбаковай кантактнай групы, якое пройдзе 5 верасня ў Мінску, дасягнуць пагаднення аб спыненні агню як украінскай арміяй, так і антыўрадавымі фарміраваннямі.
"Заўтра ў 14:00, калі гэта будзе пацверджана, калі сустрэча адбудзецца, я вярнуся і дам даручэнні кіраўніцтву Генеральнага штаба аб двухбаковым спыненні агню, і мы спадзяемся, што імплементацыя мірнага плана будзе пачата заўтра", - адзначыў прэзідэнт Украіны.
Кіраўніцтва так званых "Данецкай" і "Луганскай народных рэспублік" ужо адгукнулася на ініцыятыву П. Парашэнкі, выказаўшы гатоўнасць спыніць агонь у выпадку падпісання мірнага пагаднення з украінскім бокам .-- 0--