Кітайская аўтамабілебудаўнічая кампанія "Ліфань" плануе выдзеліць да 300 млн. долараў на стварэнне ўласнага завода ў Ліпецкай вобласці. Такая інфармацыя размешчана на афіцыйным вэб-сайце аўтаканцэрна.

Аўтамабілі канцэрна прадаюцца ў 132 аўтасалонах Расіі. За мінулыя сем гадоў Расія стала адным з найбуйнейшых замежных спажыўцоў кампаніі.

Кампаніі "Ліфань", "Чанчэн", "Чэры", "Джылі" і іншыя кітайскія аўтамабілебудаўнікі рыхтуюцца да стварэння ўласных заводаў на тэрыторыі Расіі. У жніўні бягучага года ў тэхнапарку "Вузлавая" Тульскай вобласці адбылася цырымонія закладкі падмурка завода кітайскай кампаніі "Чанчэн". Праектная магутнасць вытворчасці новага прадпрыемства складзе 150 тыс. аўтамабіляў за год. - Р -