21-ы міжнародны кінафестываль "Лістапад" стартаваў у Мінску пад дэвізам "Такое рознае кіно".

У праграме фестывалю - больш за 160 фільмаў з 47 краін. Міжнароднае журы ўзначальвае знакаміты расійскі рэжысёр Валерый Тадароўскі. Практычна ўсе прадстаўленыя стужкі маюць міжнародныя ўзнагароды.

"Гэта лепшыя фільмы сусветнага рэпертуару, карціны, якія маюць вельмі добрую фестывальную рэпутацыю. Раз на год на працягу тыдня падчас кірмашу кіно мы прапануем знаёміцца з найбольш цікавымі работамі", - заявіў Ігар Сукманаў, дырэктар праграм ігравога кіно фестывалю. --0--