Кітай падтрымлівае цесную сувязь з Інданэзіяй і пільна сочыць за аперацыяй па пошуку прапаўшага лайнера авіякампаніі AirAsia. Кітайскія ратавальнікі гатовы ў любы момант адправіцца ў акваторыю, дзе працягваюцца пошукі самалёта, заявіла на прэс-канферэнцыі прадстаўнік МЗС КНР Хуа Чуньін.

Яна распавяла, што пасля ўзгаднення з урадам Інданэзіі Кітай вырашыў накіраваць на пошукі марскія судны і самалёты. На гэты час у меркаваную акваторыю крушэння авіялайнера накіраваўся вартавы карабель ВМС КНР, які патрулюе Паўднёва-Кітайскае мора. Самалёты рыхтуюцца да вылету, узгадняецца маршрут іх палёту.

Кітай пільна сочыць за развіццём сітуацыі і гатовы аказаць і іншую неабходную дапамогу, адзначыла прадстаўніца знешнепалітычнага ведамства Кітая. - Р -