Прэм'ер Дзяржсавета КНР Лі Кэцян сустрэўся з генеральным дырэктарам Сусветнай арганізацыі аховы здароўя Маргарэт Чэнь.
Лі Кэцян падкрэсліў, што эпідэмія віруса Эбола – адзін з асноўных выклікаў, з якім міжнародная супольнасць сутыкаецца пачынаючы з мінулага года. Кітай востра перажывае тыя складанасці, якія стаяць перад народамі закранутых эпідэміяй краін, і ў экстраным парадку накіраваў ім дапамогу, арганізаваўшы самую маштабную аперацыю па садзейнічанні ў галіне аховы здароўя. КНР ужо прадаставіла гуманітарную дапамогу, паслядоўна накіравала ў закранутыя эпідэміяй краіны некалькі сотняў медыцынскіх работнікаў і экспертаў у галіне грамадскай аховы здароўя.
Прэм'ер Дзяржсавета таксама заявіў, што Кітай будзе працягваць у межах сваёй адказнасці прадастаўляць дапамогу закранутым эпідэміяй краінам і дапамагаць ім як мага хутчэй пазбавіцца ад хваробы. КНР таксама надае ўвагу праблеме перыяду пасля завяршэння эпідэміі і аказання падтрымкі афрыканскім краінам у фарміраванні сістэмы аховы здароўя. Урад КНР надае павышаную ўвагу адносінам сяброўскага супрацоўніцтва з СААЗ і будзе працягваць падтрымліваць арганізацыю і яе кіраўніцтва ў іх рабоце.
У сваю чаргу, М.Чэнь высока ацаніла тую важную ролю, якую Кітай адыгрывае ў барацьбе супраць віруса Эбола, а таксама асабліва адзначыла дапамогу і падтрымку КНР у дачыненні да краін, закранутых эпідэміяй. - Р -