Першая партыя з 106 службовых машын, якія належалі партыйным і дзяржаўным органам цэнтральнага ўзроўню, былі прададзены на аўкцыёне ў Пекіне ў нядзелю, за якія іх новыя гаспадары выклалі 6,61 млн. юаняў.
Кітайскія ўлады прынялі практычныя меры па скарачэнні трох відаў службовых расходаў: арганізацыя дзелавых прыёмаў, набыццё і ўтрыманне службовых машын і камандзіроўкі за мяжу, якія служаць добрай глебай для карупцыі і выклікае незадаволенасць у насельніцтва.
Даныя паказваюць, што ў 2013 годзе службовыя расходы па гэтых трох артыкулах цэнтральнага бюджэту склалі 7,15 млрд. юаняў. У ліпені мінулага года Канцылярыя ЦК КПК і Канцылярыя Дзяржсавета КНР апублікавалі апавяшчэнне аб рэформе, паводле якой чыноўнікі рангу намесніка міністра і ніжэй пазбаўляюцца службовых машын, звычайныя машыны ў дзяржслужбе падлягаюць распродажу.
Згодна з дакументам, атрыманыя грошы ад продажу службовых машын на аўкцыёне пойдуць у дзяржаўную казну.
Па ацэнцы намесніка начальніка Статыстычнага ўпраўлення правінцыі Хубэй Е Ціна, які на працягу доўгага часу вывучае рэформу, парк службовых аўтамабіляў у Кітаі зараз налічвае 2 млн. аўто, штогадовыя расходы на іх куплю і абслугоўванне перавышаюць 300 млрд. юаняў. - Р -