На сайце кантрольнага аддзела Цэнтральнай камісіі па праверцы дысцыпліны ЦК КПК 25 студзеня адкрыта рубрыка, прысвечаная вынікам працы падчас другога тура выязных інспекцый камісіі ў 2014 годзе.

У трэцім квартале 2014 інспекцыйнымі групамі былі ажыццёўлены спецыяльныя антыкарупцыйныя праверкі на месцах, а таксама ў Галоўным дзяржаўным упраўленні па справах фізкультуры і спорту, Акадэміі навук Кітая, Першай аўтамабільнай карпарацыі Кітая (FAW). Гэтыя праверкі праводзіліся падчас другога тура спецыяльных інспекцыйных антыкарупцыйных паездак 2014 года.

Паводле паведамленняў інспекцыйных груп, у рэгіёнах і ведамствах, якія падвергліся праверцы, маюцца праблемы, якія тычацца, галоўным чынам, фарміравання партыйнага стылю працы і непадкупнага ўрада; рэалізацыі духу правілаў з васьмі пунктаў, прынятых ЦК КПК у рамках барацьбы супраць карупцыі; выканання прынцыпу дэмакратычнага цэнтралізму; а таксама адбору і прызначэння кадраў. У прыватнасці, асабліва вострымі з'яўляюцца праблемы змовы паміж чыноўнікамі і бізнэсам, карупцыі сярод высокапастаўленых чыноўнікаў, значнай карумпаванасці нізавых чыноўнікаў.

Пасля 18-га з'езда КПК у агульнай колькасці ЦК КПК было праведзена 5 тураў выязных інспекцый. На падставе праблем і доказаў, выяўленых інспекцыйнымі групамі, Камісія па праверцы дысцыпліны пры ЦК КПК раскрыла вялікую колькасць спраў аб карупцыі. --0--