Намеснік старшыні КНР Лі Юаньчаа напярэдадні прыняў удзел у цырымоніі адкрыцця Года дружалюбных абменаў паміж Кітаем і Пакістанам, якая адбылася ў Пекіне.

Мерапрыемства было арганізавана Кітайскім народным таварыствам дружбы з замежжам і пасольствам Пакістана ў КНР. Падчас цырымоніі Лі Юаньчаа сустрэўся са старшынёй Нацыянальнай асамблеі Пакістана Сардарам Аязам Садзікам.

Лі Юаньчаа адзначыў, што ўрад КНР надае павышаную ўвагу развіццю адносін стратэгічнага партнёрства з Пакістанам. Сёлета наступіў Год дружалюбных абменаў паміж Кітаем і Пакістанам, аб правядзенні якога была дасягнута дамоўленасць паміж кіраўнікамі дзвюх краін. Лі Юаньчаа выказаў спадзяванне, што бакі будуць актыўна развіваць абмены па розных напрамках.

У сваю чаргу, С.А.Садзік заявіў, што паміж партыямі Пакістана ўсталяваны шырокі кансенсус адносна неабходнасці развіцця сяброўства з Кітаем, яны маюць намер прасоўваць дружалюбныя адносіны з Кітаем на новы ўзровень.