Кітайскі ўрад значна павялічыць асігнаванні на будаўніцтва культурных цэнтраў за мяжой. Пра гэта паведамілі на прэс-канферэнцыі ў Міністэрстве культуры КНР.

Як паведаміў намеснік начальніка аддзела фінансаў міністэрства Янь Дуншэн, агульны аб'ём інвестыцый урада ў стварэнне за мяжой цэнтраў культуры ў бягучым годзе складзе 360 млн. юаняў.

Да канца 2014 г. у свеце налічвалася 20 дзеючых кітайскіх культурных цэнтраў агульнай плошчай 43 тыс. кв.м. Два новыя цэнтры хутка будуць здадзены ў эксплуатацыю ў Брусэлі і Сінгапуры. Плануецца больш хуткае адкрыццё падобных устаноў у Непале, Пакістане і Танзаніі. У пачатку бягучага года завяршылася праца па вызначэнні месцазнаходжанняў цэнтраў у Швецыі, Румыніі, Венгрыі і іншых краінах.

Згодна з планам, да 2020 года колькасць кітайскіх культурных цэнтраў за мяжой, закліканых распаўсюджваць кітайскую культуру, дасягне 50 адзінак. - Р -