Камерцыйная высечка натуральных лясоў у вядучых лясных раёнах Кітая будзе спынена да 2020 года. Гэта адзін з важных крокаў рэформы для садзейнічання экалагічнага прагрэсу, паведамілі кампетэнтныя ведамства Кітая.

Дзяржаўным лясным плантацыям таксама загадана скараціць высечку штучных лясоў у камерцыйных мэтах на 20% да 2020 года, гаворыцца ў апублікаванай урадам КНР заяве па пытаннях рэформ кіравання дзяржаўнымі лясгасамі і ляснымі раёнамі.

У Кітаі штогод высякаецца каля 49,94 млн. кубаметраў натуральных лясоў. У красавіку мінулага года ў вядучых лясных раёнах паўночна-ўсходняй правінцыі Хэйлунцзян была запушчана пілотная праграма, якая забараняе высечку натуральных лясоў. Гэта праграма будзе паступова распаўсюджвацца на іншыя вядучыя дзяржаўныя лясныя раёны, гаворыцца ў заяве.

Апрача таго, плошча ляснога покрыва будзе павялічана на 6,7 млн. га, а дзяржаўныя лясгасы дадаткова атрымаюць больш за 600 млн. кубаметраў запасных лесапасадак. - Р -