Беларуска-кітайскі індустрыяльны парк "Вялікі камень" павінен стаць важнай вузлавой платформай ініцыятывы старшыні Кітая Сі Цзіньпіна па адраджэнні эканамічнага пояса Шаўковага шляху, які злучае Азію і Еўропу. Пра гэта заявіў прэзідэнт Беларусі Аляксандр Лукашэнка на сустрэчы з намеснікам міністра камерцыі КНР Чжун Шанем.

А.Лукашэнка падкрэсліў, што Беларусь гатова ўдзельнічаць у рэалізацыі ўсіх элементаў канцэпцыі старшыні КНР Сі Цзіньпіна "пояс і шлях".

У сваю чаргу, Чжун Шань адзначыў, што Беларуска-кітайскі індустрыяльны парк – гэта стратэгічны праект двухбаковага супрацоўніцтва. "Бакі аднадушна лічаць, што праект з'яўляецца пілотным у справе сумеснага будаўніцтва эканамічнага пояса Шаўковага шляху", – сказаў Чжун Шань. "Кітай надае важнае значэнне развіццю будаўніцтва індустрыяльнага парку", – дадаў намеснік міністра камерцыі КНР. - Р -