У Ашхабадзе адбылася цырымонія адкрыцця Дзён культуры Беларусі ў Туркменістане, паведаміла дзяржаўнае інфармацыйнае агенцтва. Маштабная акцыя прымеркавана да 25-годдзя ўстанаўлення двухбаковых дыпламатычных адносін і праводзіцца ў адпаведнасці з праграмай супрацоўніцтва на 2017-2020 гады паміж профільнымі міністэрствамі дзвюх дзяржаў.

Апрача таго, у рамках Дзён культуры адкрылася фотавыстава БЕЛТА "Беларусь-2017". У кінацэнтры "Ашхабад" пройдзе рэтраспектыва беларускіх мастацкіх фільмаў.