Сябры, у пачатку нашай праграмы для вас прагучыць песня пад назвай «Добры дзень, стэп!». У песні спяваецца аб глыбокай любові да стэпу. У песні ёсць такія радкі: «Калі я выходжу на стэпавы прастор, я як быццам акунаюся ў зялёнае мора. Калі імчуся на кані, я адчуваю твае бязмежныя прасторы, стэп. Калі я далёка ад цябе, у мяне ў душы гучаць мелодыі марынхура. Гады мінуюць, але мая любоў да стэпу ніколі не пагасьне ».
Спявачка Цінгеэр нарадзілася і вырасла ў стэпах унутранай Манголіі, старэйшы брат дзяўчыны выкладае ў інстытуце мастацтваў, таму з дзяцінства Цінгеэр расла ў атмасферы дабратворнага ўплыву мангольскага народнага мастацтва. Цінгеэр валодае прыроджанымі галасавымі дадзенымі, у школе яе называлі «жаўруком». У 1997 годзе дзяўчына паступіла ў Інстытут мастацтва пры НОАК на факультэт вакалу.
Сябры, далей у нашай праграме, паслухайце песню ў выкананні Цінгеэр «Чакаю цябе».
Па заканчэнні інстытута Цінгеэр пачала працаваць у Ансамбле песні і танца ваеннай акругі ўнутранай Манголіі. Яе песні сталі вельмі папулярныя сярод ваенных. Яна шмат разоў заваёўвала прэміі на ўсекітайскіх і міжнародных вакальных конкурсах. Ваенныя часта называюць Цінгеэр «армейскім жаўруком».
У завяршэнне нашага канцэрта паслухайце песню «Поўня». У песні спяваецца пра тугу па любімаму, які праходзіць воінскую службу.