Воіны і коні Тэракотавага войска былі зроблены ў розных рэгіёнах Кітая. Інстытут батанікі Кітайскай акадэміі навук зрабіў такую выснову, параўнаўшы ўзоры і вобласці распаўсюджання пылку са статуй. Даследчыкі высветлілі, што коней «ляпілі» непасрэдня ля некропаля, мабыць, дзеля таго, каб спрасціць іх транспартыроўку (вага скульптуры каня складае каля 200 кг), статуі воінаў больш лёгкія, прыкладна 135 кг і месца іх вырабу пакуль невядома. Варта дадаць, што ўсе скульптуры адрозніваюцца адна ад адной.