Чай пуэр вырабляецца ў раёнах Сымаа і Сішуанбань (правінцыя Юньнань). У старажытнасці яго вытворчасць засяроджвалася ў павеце Пуэр, куды звозілі сыравіну. Адсюль і пайшла назва чаю. Яго гісторыя налічвае не менш за 1700 гадоў.

Пуэр вельмі разнастайны па сваіх уласцівасцях, якія, у сваю чаргу, залежаць ад мноства фактараў: тыпу чайнага ліста, узросту чайнага дрэва або куста, месца і часу збору і нават тэхналагічных нюансаў. Тэхналогія вытворчасці пуэра досыць складаная, ключавым момантам тут з'яўляецца ферментацыя. Натуральны працэс давядзення чайнага ліста да гатоўнасці адбываецца на працягу 5-8 гадоў. У яго спецыфічным водары адчуваецца вытанчаны букет пахаў, з цягам часу чай набірае жыццёвую сілу і крэпасць. Пуэр лічыцца гатовым, толькі калі «свежасць перайшла ў старасць».

Амаль для ўсіх іншых відаў чаю час – самы страшны вораг. Ён робіць чай старым, страціўшым сілу. І толькі пуэр быццам назапашвае сілу часу – чым ён старэйшы, тым лепш. У выніку гэтай старадаўняй тэхналогіі чай набывае мяккасць і «аксаміцістасць» смаку, далікатнасць водару, насычанасць колеру. Часам пуэр прадаюць прапараным і запрасаваным у ствол бамбуку, кошт такога чаю супастаўны з золатам.

Пуэр здаўна славіцца сваімі гаючымі ўласцівасцямі, бо паніжае ўтрыманне цукру ў крыві, карэктуе вагу, мае бактэрыцыдныя ўласцівасці, здымае пачуццё перасыці ад ужывання тлустай ежы. Ён утрымлівае рэчывы, якія рэгулююць працу жоўцевага пузыра, паляпшае абмен рэчываў; пуэр таксама карысны людзям, якія пакутуюць на язву страўніка і дванаццаціперснай кішкі, паколькі здымае характэрную для чаю стымуляцыю сакрэцыі страўнікавага соку. Пры заварванні атрымліваецца непразрысты цёмна-бурштынавы настой з мяккім смакам. Пуэр можна піць з малаком і цукрам. - 0 -