Кітайскія хатнія гаспадыні вельмі любяць частаваць стравамі з гарбуза гасцей. Самая распаўсюджаная страва гатуецца так: спачатку наразаюць гарбуз тонкімі долькамі. Затым змешваюць мясны фарш з соллю, спецыямі, яечным жаўтком і невялікай колькасцю мукі. Фарш кладзецца паміж дзвюма долькамі гарбуза, усё гэта абмакваецца ў соус і смажыцца ў алеі.

Ёсць яшчэ адна страва, якая гатуецца з гарбуза, кітайскага ямсу і чорных драўняных грыбоў муэр. Спачатку трэба абсмажыць кавалачкі гарбуза, затым пакласці ямс, дадаць трохі воды і апошнімі пакласці драўняныя грыбы. Такі «суп» варыцца на павольным агні. Цукар або соль дадаюцца ў канцы, як хто пажадае. Такі суп карысны людзям з павышаным ціскам. - 0 -