18 верасня ў 9 гадзін 18 хвілін у г. Шэньян (адміністрацыйны цэнтр правінцыі Ляанін) пачуўся сігнал паветранай трывогі, які суправаджаўся 14-цю ўдарамі ў звон. У гэты ж час у г. Чанчунь (адміністрацыйны цэнтр правінцыі Цзілінь) і Харбіне (адміністрацыйны цэнтр правінцыі Хэйлунцзян) таксама пачуўся сігнал паветранай трывогі ў гонар 80-й гадавіны інцыдэнту 18 верасня.
17 верасня ў г. Чанчунь у Музеі апошняга імператара прайшла выстава артэфактаў уварвання японскіх войскаў у Кітай. У той жа дзень у г. Шэньян прайшла выстава, на якой былі прадэманстраваны матэрыялы пра галоўныя падзеі барацьбы з японскімі захопнікамі.
У г. Ціндаа правінцыі Шаньдун прайшла народная выстава матэрыялаў аб агрэсіі японскіх захопнікаў у Кітаі.
У Пекіне днямі адкрылася выстава каштоўных прадметаў паўночна-ўсходняй антыяпонскай кааліцыі, на якой паказана гісторыя барацьбы з японскімі захопнікамі на працягу 14 гадоў.
Нагадаем, што 18 верасня 1931 года армія мілітарысцкай Японіі пачала абстрэл і бамбардзіроўку горада Шэньян. Скарыстаўшыся палітыкай несупраціўлення тагачаснага ўрада Кітая, японскія войскі за некалькі месяцаў захапілі Паўночна-Усходні Кітай. Гэта азначала пачатак агрэсіі японскіх захопнікаў у Кітаі.
-0 -
