Па матэрыяле для вырабу пячаткі можна было вызначыць сацыяльны статус яе ўладальніка. Звычайныя жыхары і дробныя чыноўнікі, рамеснікі, як правіла, карысталіся пячаткамі з дрэва, каменю або рога, а знакамітыя паэты і чыноўнікі высокага рангу аддавалі перавагу пячаткам з чырвонага каменю чанху, яшмы, агату, розных крышталяў, слановай косці. Для вырабу імператарскіх пячатак бралі золата, нефрыт і іншыя каштоўныя мінералы.