7 мая ў Пекіне адкрываюцца Дні культуры Беларусі ў Кітаі
  2015-05-06 17:00:39  cri  [  Паслаць сябру ] [  Раздрукаваць ]    [ шрыфт : A A A ]  

У канцэртнай зале «Beijing Concert Hall» сталіцы Кітая выступленнем артыстаў Беларускага дзяржаўнага ансамбля народнай музыкі «Свята» ўрачыста адкрыюцца Дні культуры Беларусі.

У іх праграме таксама -- выступленне оперных салістаў і танцораў балета і выстава работ беларускай мастачкі з Гродна Марыны Эльяшэвіч, якая працуе ў стылі гохуа. Экспазіцыя адкрыецца ў Кітайскім музеі маці і дзіця.

Беларускую дэлегацыю ўзначальвае намеснік Міністра культуры Рэспублікі Беларусь Васіль Чэрнік. Мерапрыемства, якое праходзіць напярэдадні дзяржаўнага візіту Старшыні КНР Сі Цзіньпіна ў Беларусь, з'яўляецца лепшым пацвярджэннем таму, што беларуска-кітайскія адносіны як на афіцыйным узроўні, так і ў сферы культурнага і гуманітарнага абмену з кожным годам мацнеюць і пашыраюцца.

Культурнае супрацоўніцтва паміж Беларуссю і Кітаем у поўнай меры адпавядае ўзроўню адносін усебаковага стратэгічнага партнёрства і ўключае ў сябе ў якасці адной з самых важных форм узаемадзеяння ўзаемнае правядзенне Дзён нацыянальных культур.

Сёлета мерапрыемства арганізавана Міністэрствам культуры Рэспублікі Беларусь сумесна з Міністэрствам культуры Кітайскай Народнай Рэспублікі пры падтрымцы Пасольства Беларусі ў Кітаі.

Працягнуцца Дні культуры Беларусі ў Кітаі да 13 мая 2015 г.

1 2 3 4 5
Спасылкі па тэме
каменціраваць
   Выбраць перадачы:
фотаздымкі
Самае чытанае
StopPlay
© China Radio International.CRI. All Rights Reserved.
16A Shijingshan Road, Beijing, China. 100040