Горад Далі размешчаны на захадзе правінцыі Юньнань. Ён вядомы сваімі адметнымі мясцінамі, на яго тэрыторыі знаходзяцца крыніца Худэцюань (крыніца матылькоў), гара Цаншань і возера Эрхай.

Вяршыня гары Цаншань круглы год пакрыта снегам. Высакагорнае возера Эрхай, якое ляжыць на вышыні 1966 метраў над узроўнем мора на ўсход ад горада Далі, формай сваёй нагадвае чалавечае вуха. Вада ў возеры да таго празрыстая, што відаць дно. Зялёныя астраўкі падобныя на інкрустацыю з малахіту. Асабліва прыгожае возера ноччу, пры святле Месяца.