Хайхэская даліна таксама адрозніваецца нераўнамернасцю ападкаў у розных раёнах. Сярэднегадавыя ападкі - 400-800 мм. У гады паводак ападкі дасягаюць 1300-1400 мм. У сілу значнага выпарэння, адсутнасці новых папаўненняў ад падземных крыніц, а таксама штучнага вычэрпвання сярэднегадавы вадасцёк басейну невялікі. Акрамя таго, аб'ём вадасцёку хутка змяняецца не толькі з году ў год, ён па-рознаму выглядае нават на працягу аднаго году. Менавіта па гэтых прычынах гісторыя гэтых месцаў ведае нямала выпадкаў сур'ёзных стыхійных бедстваў. За апошнія гады Пекін тройчы падвяргаўся пагрозе затаплення, а Цяньцзінь - 8 разоў. Пасля ўтварэння КНР былі праведзеныя шматразовыя ачышчэнні рэчышча ў воднай сістэме басейну, і небяспека стыхійных бедстваў у асноўным ліквідаваная.