Пін'яа пабудаваны строга ў традыцыях горадабудаўніцтва нацыянальнасці хань: у замкнёным цэнтры павета акуратна размешчаны цэнтральная гарадская вежа, 4 вуліцы, 8 дарог і 72 звілістыя завулкі. Жылыя дамы з шэрай цэглы сіметрычна выбудаваны ў дворыках «сыхэюань»; асабліва незвычайныя цагляныя дамы ў выглядзе пячор. У Пін'яа ўцалелі 3797 панадворкаў, з іх 400 выдатна захаваліся; у горадзе мноства вялікіх і маленькіх храмаў і манастыроў; па абодвух баках вуліц стаяць старадаўнія крамы. Архітэктурныя ансамблі найлепш адлюстроўваюць аблічча горада эпох Мін і Цін.