З дня прынясення прысягі і інаўгурацыі прэзідэнта Егіпта Мухамеда Мурсі прайшоў год. У Каіры, Александрыі, Порт-Саідзе і іншых асноўных гарадах краіны прайшлі буйнамаштабныя дэманстрацыі прыхільнікаў і праціўнікаў М.Мурсі.

У Каіры некалькі тысяч чалавек сабраліся вакол рэзідэнцыі прэзідэнта і выкрыквалі лозунгі супраць М.Мурсі. Некаторыя маніфестанты разбілі палаткі і падрыхтаваліся да доўгай акцыі пратэсту. Частка пратэстуючых арганізавалася для абароны парадку на месцы правядзення маніфестацыі. Улады паставілі вакол рэзідэнцыі металічную сетку і бетонныя загароджы.

У горадзе Насір на паўночным усходзе Каіра вялікая колькасць прыхільнікаў М.Мурсі правяла мітынг, яны заклікалі ўсіх егіпцян выказваць сваю незадаволенасць у мірнай форме, падтрымліваць вяршэнства Канстытуцыі і закону, абараняць легітымнасць улады М.Мурсі.

М.Мурсі раней у выступленні заявіў, што ён павінен несці адказнасць за сітуацыю, якая склалася ў краіне. Ён паабяцаў сфарміраваць незалежны камітэт з прадстаўнікоў усіх групіровак для ўнясення паправак у Канстытуцыю. М.Мурсі таксама заклікаў апазіцыю прыняць удзел у нацыянальным дыялогу. - Р -