Старшыня КНР Сі Цзіньпін у Доме народных сходаў правёў перамовы з прэзідэнтам Беларусі Аляксандрам Лукашэнкам. Бакі паглыблена абмяняліся меркаваннямі па двухбаковых адносінах і важных міжнародных і рэгіянальных праблемах. Кіраўнікі дзвюх дзяржаў аб'явілі пра ўстанаўленне кітайска-беларускага ўсебаковага стратэгічнага партнёрства.
Сі Цзіньпін сказаў, што паміж Кітаем і Беларуссю існуе высокі ўзровень узаемадаверу, супрацоўніцтва прыносіць багатыя плады, кітайска-беларускія адносіны маюць трывалы падмурак, перспектывы развіцця – шырокія. Кітай дзякуе беларускаму боку за нязменную падтрымку ў пытаннях, якія тычацца суверэнітэту і тэрытарыяльнай цэласнасці Кітая. Умацаванне і паглыбленне кітайска-беларускіх сувязяў – рашучая і непахісная палітыка афіцыйнага Пекіна.